سفاح الفلانتين

موضوع: سفاح الفلانتين السبت فبراير 09, 2008 9:00 pm

<BLOCKQUOTE id=cba4605b>

سفاح الفلانتين IMG_2281_600x600_100KB

</BLOCKQUOTE>

يا ادى القرف جينا للهم والنكد

يوم الفلانتين !!!!! يوم اسود مهيب عقيم معرفش عملوه ليه ؟؟؟

عملوه عشان يقلبو علينا المواجع والاحزان .. ويفكرونا بوكستنا القويه .

انزل الشارع الاقى الدنيا كلها حمرا والمحلات حمرا والبيبان حمرا حتى الناس لابسين احمر .. وانا احمر من كده مشفتش .

تلاقى كل المحلات لونها دم عند ناس اصلا معندهاش دم .

وتيجى عند دوشه كل سنه فى شهر اتنين كل المحلات قفلت وبدات تجدد عشان تستعد لليوم العالمى الفظيع يوم الفلانتين .

والناس تفضل تدور وتلف وتمشى وتروح وتيجى وتتبهدل وموصلات وبنزين وحر وبرد وحورات كل ده عشان تجيب هديه ..

والله واعلم هتلاقى حد يردلك الهديه ده ولا لا ؟؟

تفضل تحوش قبلها بشهر وتحرم نفسك من كنتين المدرسه والطعميه السخنه المولعه والحاجه السقعه عشان تبلع وبعديها كوبيه الشاى عشان تحبس ..

عشان فى الاخر تروح عند محل وتشترى هديه بالفلوس ده ..

احلى بزنيس والله ..

انت تحوش وتدفع وتكع وفى الاخر المحل يكسب وياخد على قلبه قد كده , قد كده . قد كده .

تدخل تتفرج وتبقى ناوى تشترى وخلاص محروق بالفلوس و تعبان

وشقيان وتطلعها تديها لراجل عمرك ما شفته قبل كده .

كل ده عشان تجيب حته دبدوب

لا واهم حاجه ( يكون احمر منقط بحمر وفيه مربعات كروهات بالطول حمرا )

و تدخل بقى تجيب الهديه لونها احمر فى احمر .. وعليها كلمه بحبك برده بالاحمر .

وتجيب شوكلاته وتحطها ( ويفضل لو تكون شوكلاته بجيلى الفراوله )..

بدل ما تكلها انت وتستفيد وتغذى نفسك رايح تحطها فى هديه .

وتلف الهديه بلفه احمر فى احمر فى احمر فى احمر

وتحط جليتر كتير جليتير كتير جليتر كتير .

انا قررت انى ازود رصيدى فى البنوك وافتح محل

بس محتارة اخلى اسمه ايه ؟؟؟

( تعالى ادينى الى وراك والى قدامك ) ولا ( تعالى اضحك عليك ) ؟؟؟

لا وايه تلاقى بقى الجامعات والمدارس والنوادى والناس فى الشارع لابسين احمر وكل واحد شايل بؤجه ولا لفه فى ايده والله واعلم فيها ايه ولونها برده احمر .

يا عم لو كان حبيبك (...) البس له احمر .

انا اليوم ده بيعدى عليا كأنه سنه ..

بتعمد انى انزل الشارع فى اليوم ده واتفرج على هبل الاحمر والدمويه الى احنا فيها ده .. وافضل اضحك اضحك اضحك .

طب بذمتك يا شيخ يجيلك فى يوم عيد الام يقولك ( حرام انتو مش بتراعو شعور الاولاد الى امهم متوافيه دى قسوة دى عداوه عليا وعلى اعدائى )

طب ليه بقى ونبى ما يجوش فى عيد الهالوين ده ويقولو برده ( حرام انتو مش بتراعو الناس الى مش مرتبطيبن ولا الوحيد ومش بيحب ولا الى قاعد بيهش وبينش )

ولا هو للأم حلو ولينا احنا وحش ...

يا جماعه لازم نراعى ظروف غيرنا ( الناس الوحيده الضايعه الشريده الى مش لأقيه ايد حنينه ططبط عيلهم ولا قلب رهيف يعطف عليهم )

انا بقى هعمل عيد فلانتين ليا لوحدى على مزاجى انا ( هلبس اسود فى اسود )

نفسى حد يحبنى و لو لمره
نفسى بقه اشترى لحد هديه حلوه
و اقعد الف و الف و ادوخ على المحلات
و احط فوقيها فيونكه بنفسجى و اغلفها
نفسى حد يفكر فيه كل يوم و افكر فيه
و يوم الفلانتين يعزمنى على العشه
و يبقى حوالينا ورد بمبى فى ابيض
و شمعه تبقى أيده وسطينا
و ميوزيك سلو ورانا شغاله
و اطلع هديه من جيبى و اقول بحبك
من فضلكم عاوز حد يقوللى بحبك
ممكن لو سمحت تقوللى بحبك و بمووت فيك

عندك حق والله يا ادمن
بس انا عندي سوال ايه علاقه الحب بالون الاحمر

طب ليه بقى ونبى ما يجوش فى عيد الهالوين ده ويقولو برده ( حرام انتو مش بتراعو الناس الى مش مرتبطيبن ولا الوحيد ومش بيحب ولا الى قاعد بيهش وبينش )
انتي مش واخدا بالك هما بيكونوا جايبين الهدايا وبيحسدو الناس اللي مش مرتبطين

موضوع جميل يا امدمن تسلم ايدك

هههههههههههههههههههه

جاااااااااااااااااااااااااااااااااامد

هههههههههههههه

انتى باين عليكى بتهدى النفوس جامد اوى
بس فى كلام انتى كتباه عندك حق فيه

هههههههههههههههههههههههه
بس على فكره يا ادمن اللى بيحب بجد مش بيهمو فلانتين ولا هدايا ولا حاجة لانى ولا كنوز الدنيا تعبر عن الحب اللى هو بجد وصادق بين اى تنين

bedo : بس انا عندي سوال ايه علاقه الحب بالون الاحمر

اعتقد عشان لون الدم والى بيحب هو الى بيبقى عنده دم والناس التانيه معندهاش دم يمكن ... او عشان القلب لونه احمر .. بصراحه مش عارفه النظريه بظبط .

bedo: انتي مش واخدا بالك هما بيكونوا جايبين الهدايا وبيحسدو الناس اللي مش مرتبطين

ههههههههههههههه معاك حق يا بيدو

ومرسى على ردك جدااااا

مررررسى يا ديدى ويا سهى على الرد

ومرسى ليك يا ميشو على الرد

وHappy valentine's day